Gjykatësi i Gjykatës Themelore në Prishtinë Agim Kuçi ka konfirmuar se në shtëpinë e tij ka ndodhur vjedhje gjatë natës.
Ai ka deklaruar se vjedhja ka ndodhur gjatë kohës sa në shtëpi nuk ishte askush.
“ Po, po mbrëmë ka ndodh, në detaje nuk….Policia i ka të gjitha detajet, s’ka qenë kërkush në shtëpi, dhe më ka njoftu Policia që u thy”, tha gjykatësi Kuçi për “BetimipërDrejtësi”.
Ndërkaq, në raportin e Policisë së Kosovës bëhet e ditur se një person është arrestuar pasi që i njëjti dyshohet se ka kryer vjedhje në shtëpinë e një personi tjetër.
Sipas raportit 24 orësh të Policisë së Kosovës, bëhet e ditur se ngjarja ka ndodhur të enjten rreth orës 16:40, në Veternike të Prishtinës.
Tutje bëhet e ditur se gjatë kontrollit në çantën e të dyshuarit janë gjetur dhe konfiskuar disa fishekë, disa shok bomba, dokumente, kartela bankare, monedha, thikë, brisk dhe disa shishe të alkoolit.
Ështe arrestuar i dyshuari mashkull kosovar pasi që i njëjti dyshohet se ka kryer vjedhje në shtëpinë e viktimës mashkull kosovar. Gjatë kontrollit në çantën e të dyshuarit janë gjetur dhe konfiskuar disa fishekë, disa shok bomba, dokumente, kartela bankare, monedha, thikë, brisk dhe disa shishe të alkoolit”, thuhet në raport.
