Qaj gërnetë…
Qaj o moj gërnetë, qaj me britmë të shuar
Qaj për kë po vdes, qaj për të dashuruar
Qaj për të vobektë, qaj për nënë me lot
Qaj ata që ikën, e më s’kthehen dot.
Qaj o moj gërnetë, qaj oh qaj pa frikë
Jetën të marrë lumi, të bëhet muzikë
Drithmë le të më mbetet, drithmë të më çojë
Çfarë me fjalë nuk tretet, le të më këndojë.
Qaj o shpirt zhgërryer, dhe lutu në Zot
Gishtat zënë e lozin, mbi gërnetë më kot
Dhe frymë shkon e tretet, në paqë e qetësi
Nuk është jetë për vuajtje, është për mrekulli.
Qaj për dritën time, ku shkoi nuk mbaj mënd
Luaj e shfryj njëkohë, luaj për hatrin tënd.
Jepi ohhh të paça, tu bëfsha qefin
Qaj për shpirtin tim, qaj për dashurinë.
