Çun Lajçi: Mall për Shkodrën

T’puthsha vetullën Rozafë moj motër
t’kam pru krahnin e Rugovës
me i kreh flokët kaçurrela
t’kam pru këmishën me via t’arrës
moj vizajka e këputun n’ije
ti sy mështjerra qibritli
mos me t’pa ustahët e Shkodrës
kah t’i japish djalit gji
T’puthsha çukën Rozafë moj motër
lash Rugovën erdha për ty
gjanë e g’jatë ta shkela tokën
tue gjimua me nji sharki