SIMBOLI YNË
Vizatuar e bojatisur…- jo nga dorë piktori
Pagëzuar me emrin Simbol Kombëtar🇦🇱
Stolisur e ngjyrosur nga gjak i kuq dëshmori
Krenar kush ndjehet e pulson Shqiptar !
Shqiponja të valëvit e të ngre përmbi re
Në qiellin blu, ku firmosët pavdeksinë
Të gjallë jeni e frymoni midis nesh
Së bashku festojmë, të shtrenjtë Lirinë !
Nëntori, përherë vjen si flakadan i kuq tek ne
Se me të kuq shkroi, – armë – pena juaj historinë
Lumenj të kuq gjaku derdhët si rrëke
Nëntorin e shenjtë ju nënshkruat Pavarësinë !
Kuqezi u mblodhët me të vetmin zë
Kuqezi lëshuat kushtrimin për Liri
Vetëm njëherë u betuat solemnisht në SHQIP🇦🇱
O ngremë nderin për Atdhe, o bëhemi shkrumb e hi !
