TI FLAMUR I LIRISË
Sa hije të ka kjo stinë nëntori
Qepur me dashuri Marigone
Nëpër kohë ke ecur
Kokën lart në tokë shqiponjash
Plagët t’i kam prekur me mall lirie
Plagë gjaku dëshmorësh
Me Ty betejat morën emër atdheu
Nënat fëmijët i kanë përkundur në
djep
Burrat e dheut kanë ecur pas
kushtrimit
Kush është trim mauzerën në krah
Atje ku liria është shkelur nga
barbarët
Çamëri Pollog Plavë e Gusi
Preshevë
Deri të Mollë e Kuqe shqip flasin
toponimet
Kroi i gjyshit plak i nënës arbëri
Ti flamur i Gjergjit
Kala e kala s’u tunde para armikut
Ti flamur Ilirie
Vjen në këtë udhë të gjatë
Me sytë e kuq si gjaku
E unë ulem në prehrin tënd
Sonte
Të puth me afsh si vargun
E fjalën për këngën
Ti flamur i lirisë
